Бројот на вакцинирани против Ковид-19 во светот го надмина бројот на заразени, објави руската агенција ТАСС. Во светот се вакцинирани најмалку 105,1 милион лица, додека вкупно заразени од коронавирус се околу 103,9 милиони луѓе. Најголем број вакцинирани се во САД (33,7 милиони), потоа следуваат Велика Британија (10,2 милиона) и Израел (5,05 милиони).
Германската канцеларка Меркел изјави дека до крајот на есента сите Германци ќе добијат шанса да примат една доза вакцина. До сега од Европската агенција за лекови одобрени добија вакцини од производителите Фајзер Бионтек, Астра Зенека и Модерна. Но, Меркел не ја исклучува можноста одобрение да добие и руската вакцина, за што веќе разговарала со Путин..
Францускиот претседател Макрон ветува вакцина за „сите Французи кои го сакаат тоа“ до „крајот на летото“, како и снабдување на сиромашните земји. Тој посети четири француски компании кои наскоро ќе започнат со производството на вакцини. А по информацијата за 92% ефикасност на руската вакцина Спутник, Макрон рече дека дистрибуцијата може да започне откако рускиот производител ќе побара одобрение од француските власти.
Но, ние не можеме да ги дистрибуираме во Франција, додека рускиот произведувач не поднесе барање за одобрување за ставање во промет. Тоа е нормално, тоа е прашање на санитарна одговорност, изјави Макрон.
Според научните анализи во Британија една доза на вакцината на Оксфорд /АстраЗенека обезбедува заштита од коронавирусот најмалку три месеци. Данските власти веќе работата со бизнис секторот за дигитален пасош што ја докажува вакцинацијата.
Билјана Ставрова