ДИЖС месечно во просек добива по 25 пријави од граѓани за различни видови загадување. Во ноември минатата година пристигнале 40, а во декември 60 пријави. Но, од Инспекторатот се жалат дека им недостасуваат инспектори, како за Скопје, така и за останатите региони и се надеваат дека ќе се доекипираат годинава.
Ако не ги бројам оние инспектори кои се на неплатено или кои се на боледување, во овој момент имам 15 инспектори на терен. Неопходни се уште минимум 11, за да го покриеме Скопје и регионите, каде што немам доволен број инспектори, вели Ана Петровска- в.д. директорка на ДИЖС
Во меѓувреме , проблемот со кадар, ДИЖС ќе го решава преку соработка со инспекторите за животна средина од општините и со други надлежни инспекторати, со цел ни една пријава од граѓаните да не биде одбиена, вели Петровска. Таа денеска ја промовира онлајн платформата , на која граѓаните можат да пријавуваат загадување.
Граѓаните треба да ни дадат доволно инструкции : Прво, да ни ја презентираат локацијата, да го опишат загадувањето и да испратат податоци за пријавителот. Бидејќи ние треба на пријавителот , на крајот , или некаде каде што е интересно за пријавителот да добиеме информации, да му кажеме дали сме нашле загадување, во која фаза е постапката и дали евентуално ќе има санкции против сторителот.
По пријавата од граѓаните се прави налог за вонреден инспекциски надзор и инспекторот излегува на терен. Граѓаните може да пријавуваат загадување на ФБ страницата на ДИ, на неговата веб страница, на посебна меил адреса и на мапата на загадувачи. Платформата на македонски и албански јазик, е направена во соработка со Институтот за комуникациски студии, во рамките на кампањата „ Разбистри сѐ “.
Сотир Трајков
