Американската поетеса Луиз Елизабет Глук, е годинашна добитничка на Нобеловата награда за литература.
- Наградата ја освои за нејзиниот непогрешлив поетски глас, што со строга убавина го прави индивидуалното постоење, универзално, стои во образложението на Шветската Академија.
Глук има објавено 12 збирки песни кои се карактеризираат со стремеж кон јасното изразување, истакна Андерс Олсон, претседател на Нобеловиот комитет.Според него, во песните на нобеловката се слушаат нејзините соништа, заблуди и соочувања со илузиите.
Луиз Глук е 16 жена што ја освои Нобеловата награда , а втора во Америка по новелистката Тони Морисон, на која високото признание и припадна во 1993 година.
Глук има освоено Пулицерова, национална литературна, награда за литература од Американскиот круг на критичари, како и медал за хуманистички науки. Со Нобеловата награда за литература, Глук ќе добие и 1, 1 милиони долари во готово.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.