16 припадници на Армијата и возачот на автобусот се повредени во тешката сообраќајна несреќа на патот Штип-Радовиш кај местото викано Осми километар. Несреќата се случила пред седум часот при судир меѓу автобусот и комбе. Во автобусот се превезувале војници на АРМ од своите родни градови на работните места во Штип и Струмица. Според портпаролот на штипска КЛиничка болница-Марина Шуманска повредените се со полесни повреди, набиеници и скршеници.
Министерството за одбрана излезе со соопштение за несреќата, а во кое се наведува дека автобусот бил технички исправен.
Автобусот од типот „Сетра” во сопственост на фирмата „Тритерол” од Струмица која го реализира организираниот транспорт на наведената релација, има потврда за исполнување на потребните технички услови за превоз на патници, се вели во соопштението на МО
Автобусот се превртел странично, а како дошло до судирот меѓу него и комбето истражните органи ќе соопштат по увидот на несреќата. Утринава овој пат беше во прекин, а возилата беа пренасочувани по новиот експресен пат, кој е во изградба.
Викторија Јованова
