Екс министерот Миле Јанакиевски од третиот кат во кривичниот суд, на пауза од судењето за „Титаник“ каде е обвинет, се спушти на првиот кат за да ја слушне пресудата за случајот „Шамари во Центар“ каде е обвинет, но за насилство. Против него се водат осум процеси, но ова е прва пресуда. Условна, една година во затвор ќе лежи но само ако во следните 4 години стори кривично дело.
Некогашниот шеф на Миле Јанакиевски- Никола Груевски сега пресудата лично не ја слушна, таа е втора за него и повторно затворска од 1 и пол година. Но тој после пресудата за Мерцедесот и 2 годишната затворска казна за тој предмет, не е во земјава па неизвесно е кога ќе ја одлежи.
За судијата Душан Јосифов Клучен доказ бил еден прислушкуван телефонски разговор од јули 2013 та меѓу Груевски и Јанакиевски каде се слушало дека шефот на партијата бара шамари за тогашниот градоначалник Андреј Жерновски и насилство за дел од советниците.
Инаку денеска за дел од насилниците од Центар судот пресуди девет месеци условна казна ако не сторат кривично дело во рок од три години, а двајца се осудени на условни шест месеци со две години. Ова обвинение беше едно од првите поднесени од поранешното СЈО, и беше поврзано со носењето на деталниот урбанистички план Мал ринг во општина центар додека ВМРО ДПМНЕ ја имаше централната, а СДСМ локалната власт.
Билјана Николовска