Најважни Свет

Најголемите светски банки дозволувале трансфер на валкани пари

Некои од најголемите банки во светот им дозволиле на криминалци да префрлаат валкани пари во износ од околу две милијарди долари, покажуваат документи што протекоа во јавност.

Според Би-Би-Си, документите покажуваат како руските олигарси ги користеле банките за да избегнат санкции, кои требало да ги спречат да префрлаат пари на Запад.

Ова е последното во низата протекувања во изминатите пет години, кои обелоденија тајни зделки, перење пари и финансиски криминал.

Таканаречените „датотеки ФинЦен (FinCEN)“ содржат повеќе од 2.500 документи за трансакции што банките ги испратиле до американските власти во периодот од 2000 до 2017 година. Во документите, наводно, се најстрого чуваните тајни што ги користеле банките за да пријават сомнително однесување, но не биле доказ за сторено кривично дело.

ФинЦен е кратенка за мрежата за истражување на финансиски криминал во САД, која се состои од истражувачи вработени во централната банка (Министерство за финансии на САД). Им се испраќаат сите сомнежи во врска со трансакциите во долари, дури и ако тие биле надвор од територијата на САД.

Документит покажуваат дека најголемата британска банка ХСБЦ им дозволила на измамници да префрлат повеќе милиони долари украдени пари низ целиот свет, дури и откако од американските истражители дознала дека станува збор за измама.

Американскиот „Џеј Пи Морган“ и овозможил на една компанија да префрли над милијарда долари преку сметка во Лондон, без да знае кој е сопственик. Банката подоцна откри дека е можно компанијата да е во сопственост на мафијаш од списокот на ФБИ на десетте најбарани мафијаши.

Во документите што протекоа се тврди и дека постојат докази оти еден од најблиските соработници на рускиот претседател Владимир Путин ја користел банката „Баркли“ во Лондон за да избегне санкции што требало да го спречат да користи финансиски услуги на Запад. Како што се наведува, дел од парите биле искористени за набавка на уметнички дела.

Централната банка на Обединетите Арапски Емирати, наводно, не сторила ништо откако била предупредена дека една компани во земјата му помага на Иран да избегне санкции.

Германската Дојче банка наводно префрлала „валкани“ пари од кругови на организиран криминал, тероризам и трговија со дрога.

Британскиот „Стандард чартерд“, наводно, префрлала средства на Арапската банка во Јордан повеќе од една деценија откако знаела дека клиентите на банката на тој начин финансираат тероризам

Според одделот за разузнавање на ФинЦЕН, Велика Британија се нарекува „јурисдикција со поголем ризик“ како Кипар. Ова се должи на бројот на регистрирани компании во Обединетото Кралство кои се појавуваат во извештаи за сомнителна активност (САР). Во датотеките на ФинЦен именувани се повеќе од 3.000 компании од Велика Британија, повеќе отколку од која било друга земја.

Документите протекоа во „Базфид њуз“ и беа споделени со група истражувачки новинари од целиот свет, кои ги доставија до 108 новински организации во 88 земји.

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Врховен ја поништи зголемената пресуда за дрога на Васил Јованов – Апелација го осудила без да го викне

Дејан Дејан

Киев и Москва утре во Истанбул на први директни разговори по 2022 година

Дејан Дејан

(Видео) Мицкоски најавува наскоро номинирање имиња за нови министри, Касами тврди засега нема преговори

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе