Природните убавини во Југоистокот се посетени, но со мал капацитет за прием на гости. Вака локалните жители ги опишуваат убавините под Беласица. Смоларските и Колешинските водопади, како и Мокринсите извори се три локации на оддалеченост од само неколку километри, но.
освен природната убавина има малку содржини за подолго задржување на гостите. Просторот околу Мокринските извори, коишто извираат буквално под столетните јавори, го одржува Никола Гочев. Вели дека има потенцијал, но недостигаат вложувања и млади коишто ќе работат.
Мокринци велат дека порано овде доаѓале автобуси со туристи, но и ученици на ексукрзија. За локланото население, пак, тоа е место каде што се прави скара, се собираат на Илинден со иселениците и се пее под јаворите.
Мокринските извори, освен што се природна убавина, имаат и практична намена. Со својата издашност од 40 литри вода во секунда, тие долги децении се користат и за наводнување на полето под Мокрино.
Сузана Мицева