Кике Сетиен вечерва и официјално доби отказ од таборот на Барселона. Вакво нешто и се очекуваше по очајната сезона во Ла Лига и Лигата на шампионите.
Каталонците под негово водство ја загубија предноста на табелата во шпанското првенство и титулата му ја предадоа на лутиот ривал Реал Мадрид, а последната „сламка“ беше дебаклот од 8-2 од Баерн Минхен во четвртфиналето во Лигата на шампиони.
Сетиен беше назначен за тренер на Барселона во јануари годинава на местото на Ернесто Валверде и на 25 натпревари, оствари скор од 16 победи, пет порази, четири ремија и не освои ниту еден трофеј.
Медиумите низ цела Европа веќе наголеми шпекулираат дека нов тренер на Барселона ќе биде Роналд Куман. Поранешниот фудбалер на Каталонците е актуелен селектор на Холандија, но синоќа бил забележан како пристигнува на аеродромот во Барселона. Постојат информации дека клубот преговара и со Маурисио Покетино, но и со порашениот фудбалер Чави, но Куман има најголеми шанси да биде нов тренер на тимот.
