Стабилна влада која ќе се грижи подденакво за сите граѓани, ова го вети лидерот на колаицијата „Можеме“, Зоран Заев на денешното преземање на мандатот за формирање влада од претседателот Пендаровски.
Тој вети дека ќе формира влада со квалитетни, отчетни и одговорни кадри, која уште повеќе ќе се грижи за граѓаните.
„Продолжување на патот на економијата и правдата. После членството во НАТО новата влада ќе не води кон членство во ЕУ“, истакна Заев.
19 години по потпишувањето на Охридскиот договор тој им честита на граѓаните и му оддаде почит посебно на починатиот претседател Трајковски за големината на овој договор.
Заев очекувам за 20 дена Северна Македонија да добие ефикасна влада која веднаш ќе се посвети на предизвиците кои ги носи пандемијата Ковид 19.
Тој на новинарско прашање потврди дека денеска ќе имам средба со претседателот на ДУИ, Али Ахмети со кого имаме успех околу преговорите за некои прашања, но потребно за други понатаму да се разговара.
Претседателот Пендаровски пред да го довери мандатот се обрати кусо.
-Врз основа на член 84, согласно член 90 од Уставот и предлогот на коалицијата „Можеме“, за мандатар за состав на влада го определувам Зоран Заев, претседател на СДСМ и пратеник во Собранието, рече Пендаровски.
Според член 90 од Уставот, по добивањето на мандатот, мандатарот во рок од 20 дена на Собранието треба да му поднесе програма и да го предложи составот на Владата. Владата, на предлог на мандатарот и врз основа на програмата, ја избира Собранието со мнозинство гласови од вкупниот број пратеници.