По три последователни неуспеси во првото елиминациско коло во Лигата на шампионите, Пари Сен Жермен има можност по петти пат да се пласира во полуфиналето на шампионската лига.
Во последниве три сезони Барселона, Реал Мадрид и Манчестер Јунајтед беа непремостливи пречки за клубот од француската престолнина, кој откако е преземе од богатите катарски сопственици постојано се вбројува меѓу фаворитите за трофејот, но никако не успева да се искачи на тронот и се очекува дека токму турнирот во Лисабон е идеална можност пехарот конечно да пристигне во Париз.
Најголем проблем за Пари Сен Жермен е фактот што екипата на Томас Тухел од првата половина на март кога беше прекината сезоната во Франција има одиграно само два меча од натпреварувачки карактер кога на почетокот од месецов триумфираше во националниот и лига куп.
Дополнителни главоболки на германскиот тренер му задава и фактот дека за вечерашниот дуел неизвесен е настапот на повредениот Килијан Мбапе иако лекарскиот тим даде дозвола да игра, а на располагање ќе ги нема Марко Верати, Анхел Ди Марија, Лавин Курзава, а екипата ја напушти Единсон Кавани.
Инаку Пари Сен Жермен на европско полуфинале чека точно 24 години откако во 1996 го освои трофејот во Купот на УЕФА, а претходно има три настапи во полуфиналето и тоа по еден во Лигата на шампионите и Купот на победниците на куповите.