94 новозаболени и 8 починати од корона вирусот, стои во денешниот ковид билтен од здравство. Два пациенти од Скопје, двајца од Гостивар, а од Прилеп, Струга, Охрид и Кичево на болеста и подлегнаа по 1 пациент.
Инаку, Скопје останува градот каде што секој ден има најмногу потврдени позитивни на корона.
Па така денеска од вкупниот број , половина се од главниот град – 49.
Следат:
Гостивар 13
Свети Николе 9
Штип 8
Тетово 6
Куманово 2
Струга 2
Кочани 2
Кичево 2
Прилеп 1
На Инфективната клиника за 24 часа, примени се 3 пациенти. Во болницата во моментов се лекуватаат 85 пациенти.
Скоро половина од нив – 42 се на кислородна поддршка. Нема ниту еден пациент кој е на респиратор.
Во Козле се хоспитализирани 28 пациенти , 20 возрасни и 8 деца позитивни на корона вирусот.
8-ми септември и понатаму останува КОВИД центар во кои имаа најмногу пациенти.
Таму се хоспитализирани 94 пациенти. За едно деноноќие примени се 7 нови . На респиратор дишат 6 луѓе.
А кластерите во конфекциите во Свети Николе и Штип го наполнија и инфективното одделение во Штипската болница каде што се лекуваат 56 луѓе позитивни на КОВИД 19.
Бројот пак на луѓе кои добиле два негативни ПЦР тестови и се излекувани од корона е 42.
Бројката на новодијагностицирани инаку денес е преполовена од вчера кога имаше 198 или високи 14 проценти од тестирањата. Денеска процентот е 11. 3.
Во Македонија има 3619 активни случаи , а бројот на починати достигна 401.
Теодора Цветковска