Обвинителката Вилма Русковска да биде изземена од случајот за Меѓународниот сојуз.
Уште рано утрово вакво барање до државниот обвинител Љубомир Јовески поднесе пратеничката Фросина Ременски, која е една од обвинетите во предметот кој го оформи токму Русковска.
Меѓу дел од причините го наведе претресот во нејзиниот дом направен без нејзино присуство, но и дека русковска влијаела врз истражители во МВР.
На барањето за изземање се приклучи и Бојан Јовановски кој во судница рече дека токму Русковска барала од него да ја наклевети Ременски.
За неговиот адвокат има две спорни работи, тоа што ова обвинение не споено со претходниот случај Рекет, но и што судијката Софче Гаврилова Ефремова беше дел од судечкиот совет во тој предмет.
Обвинителката за тоа дека се бара нејзино изземање дознала на минута пред стартот на процесот. Убедува дека работи непристрасно.
Денеска требаше да стартува судењето за случајот поврзан со невладината организација на Боки 13, Меѓународен сојуз.
Петмина се осомничени меѓу кои и татко му на Бојан, Миле Јовановски и двете соработнички Јасна Ерцеговиќ и Кристина Блажевска.
Осомничени се за измама и а дел и за перење пари преку невладината. Убедувале бизнисмени дека ќе реализираат проект за старечки домови, а за возврат на сметката на здружението легнувале стотици илјади евра.
Истрагата беше отворена по онаа за рекет, процес во кој Боки 13 има веќа неправосилна пресуда од 9 години затвор.
Билјана Николовска