Педесет и осми антивладин протест во Тирана за време на кој демонстрантите се судрија со полицијата, во обид да ја блокираат работата на парламентот кој денеска ја одржува последната седница пред одморот во август.
Демонстрантите фрлаа со јајца кон полицајците и се обидуваа да ги тргнат оградите на сите приоди кон собранието.
До блиска средба меѓу демонстрантите и полицијата дојде во близина на министерството за внатрешни работи. Полицајците одговорија со солзавец, а приведени се неколкумина од демонстрантите.
Протестот се очекува да продолжи вечерва пред зградата на кабинетот на премиерот Еди Рама и се одржува секој ден од тензиите во Звернец, Валона, каде граќани и активисти изразија револт од плановите за изградба на одморалиште во подрачје што се смета за заштитено од експертите за заштита на животната средина.
