Обединетите нации повикаа на избегнување на „натамошна ескалација“ откако САД соопштија дека заплениле два нафтени танкери поврзани со Венецуела, соопшти портпаролот на генералниот секретар Стeфан Дужарик.
Тој истакна дека акциите на отворено море мора да се спроведуваат во согласност со меѓународното право за да се обезбеди безбедноста и безбедната пловидба на отворено море.
Американската администрација, под водство на претседателот Доналд Трамп, ја спроведува контролата врз венецуелската нафта и најави дека ќе ги олесни некои санкции за да го надгледува извозот глобално по соборувањето на претседателот Николас Мадуро.
Акциите вклучуваат блокада и заплена на танкери во Северниот Атлантик и Карипското Море.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.