Унгарскиот премиер Виктор Орбан изјави дека Украина се наоѓа во процес на поделба и ќе биде „трансформирана во територија со три зони“ – руска, демилитаризирана и западна.
Тој ова го соопшти за време на својот годишен говор пред конзервативната заедница во селото Кечче, со што ја отвори есенската политичка сезона во Унгарија.
„Мораме со ладна глава да ја разбереме ситуацијата – Украина веќе се дели. Сè уште не се целосно јасни контурите и условите, но исходот ќе биде три зони“, рече Орбан.
Орбан, кој важи за најблизок сојузник на Владимир Путин во ЕУ, продолжува да го блокира приближувањето на Украина кон Унијата, се спротивставува на испорака на оружје и бара укинување на санкциите против Русија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.