Во вооружен напад на автобуска станица во северен дел на Ерусалим денеска убиени се најмалку пет човечки животи, а уште 12 лица се повредени, соопшти израелската полиција. Нападот се случил на фреквентна крстосница на влезот во градот, каде што напаѓачите отвориле оган кон луѓето што чекале автобус.
Според израелски медиуми, напаѓачите подоцна влегле и во преполн автобус каде продолжиле да пукаат. Двајцата вооружени напаѓачи биле застрелани и убиени од припадник на безбедносните сили и случаен минувач кој носел оружје.
Сведоци и итни служби опишуваат хаотична сцена со скршени стакло и повредени луѓе на улицата и тротоарот. Израелската војска веднаш спроведе безбедносна акција и го блокираше пристапот до палестинските села околу Рамала, во обид да спречи дополнителни напади или евентуално поставени експлозивни направи.
Палестинската организација Хамас го поздрави нападот, нарекувајќи го „природен одговор на злосторствата на окупаторот“, но не ја презеде одговорноста за извршувањето.
Нападот доаѓа во време на зголемена тензија и насилство во регионот, предизвикано од војната во Појасот Газа, која предизвика ескалација на инциденти и во Западниот Брег и во Израел.