Претседателот Доналд Трамп изјави дека САД ќе изработат безбедносни гаранции за Украина. Во разговор со новинарите во Овалната соба, претседателот беше прашан за плановите за помош на Украина во нејзината војна со Русија и рече: „Ќе го решиме тоа. Ќе им помогнеме“. Тој рече дека сака да спаси животи и дека кога станува збор за безбедносни гаранции, „Европа ќе биде убедливо прва“.
–Па, ќе го решиме тоа. Ќе им помогнеме. Слушајте, сакаме да спасиме многу животи, па ќе направиме нешто со тоа. Мислам дека луѓето го очекуваат тоа. Ќе им помогнеме на сите. Европа ќе биде убедливо прва. И тие сакаат да бидат први, и сакаат – сакаат да видат како завршува. Европа сака да види како завршува, и ќе заврши. Ќе заврши – одеднаш, ќе се среди, Изјави Трамп.
Трамп, исто така, издаде остро предупредување до војската на Венецуела против понатамошни провокативни дејствија.
-Доколку нè стават во опасна позиција, ќе бидат соборени“, рече Трамп.
Министерството за одбрана доцна во четвртокот соопшти дека два венецуелски воени авиони прелетале во близина на брод на американската морнарица, нарекувајќи го тоа „многу провокативен потег“ и предупредувајќи ја владата на Мадуро против понатамошни дејствија.
Акцијата на венецуелската војска дојде откако САД претходно оваа недела извршија смртоносен напад врз брод за кој американските власти велат дека превезувал дрога од Венецуела.