Нападнат од хулигани на синоќешните протести во Белград беше и пратеникот на ССМ, Предраг Митровиќ, и тоа како што вели тој пред очите на полицијата која не му пружила никаква заштита.
„Она што се случи синоќа токму овде пред Министерството за надворешни работи е тоа што јас сакав да направам снимка од хулиганите кои зад грбот на полицијата цела вечер фрлаа топовски удари, бакли, петарди и други пиротехнички средства врз граѓаните на Србија, значи ја користеа полицијата како жив штит за да ги напаѓаат граѓаните, а полицијата наместо да ги растерува нив ги растеруваше демонстрантите. Јас се вратив кога полицијата се разотиде и од оддалеченост сакав да направам снимка од хулиганите да видиме кои се и што се, меѓутоа тие ми пријдоа, јас им кажав дека сум народен пратеник и сакам да направам снимка им реков дека не можам да направам снимка и тие се залетаа околу седум-осум со фантомки и шипки и тргнаа кон мене ме приклештија на оградата на МНР ме удираа по телото по главата. Добив повреда на главата и шиен сум. Ги прашав што правите, бидејќи од моја страна немаше ниту една провокација“, изјави Предраг Митровиќ, пратеник од ССМ.