Стотици израелски демонстранти се собраа пред канцеларијата на премиерот Бенјамин Нетанјаху во Ерусалим, додека Советот за безбедност на Израел одржуваше седница на која се расправаше за можно проширување на воените операции во Појасот Газа.
Планот, кој би вклучувал преземање на преостанатите делови од Газа, наиде на силен отпор и од меѓународната заедница и од израелската јавност, особено од семејствата на заложниците.
Израелски официјален претставник изјави дека се очекува долга дебата и можно одобрување на проширен воен план, кој постепено би се спроведувал со цел да се зголеми притисокот врз Хамас.
Сепак, ваквиот потег носи ризик од дополнително влошување на хуманитарната катастрофа во Газа.
Mеѓувреме, израелските воздушни напади и вооружени дејства во јужна Газа усмртија најмалку 42 Палестинци, според податоците на локалните болници.
По 22 месеци војна, населението на Газа се соочува со масовно раселување, глад и уништување на инфраструктурата.
Нетанјаху: Израел ќе преземе целосна контрола врз Газа, но нема намера да ја задржи