Управата за хидрометеоролошки работи (УХМР) издаде „жолто ниво“ на предупредување поради зголемен ризик од поплави и потенцијално локално излевање на реките и суводолиците. Според објавената карта, под потенцијална опасност се наоѓаат околу две третини од територијата на Македонија, додека побезбедни се делови од источна и југоисточна Македонија.
Обилните дождови што ја зафатија земјава вчера и во текот на ноќта доведоа до зголемување на водостојот на реките, а на одредени места се регистрирани и излевања и поплави. Надлежните апелираат на внимателност.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.