Две лица загинаа денеска во Шведска, соопштија властите и компанијата за комунални услуги, додека бура ги погоди Норвешка, Шведска и Финска, оставајќи илјадници луѓе без струја.
Шведскиот метеоролошки и хидролошки институт издаде предупредувања за силни ветрови за големи делови од северната половина на земјата, бидејќи бурата Јоханес ја погоди земјата.
Еден смртен случај, маж на возраст од околу 50 години, беше пријавен во близина на ски-центарот Кунгсбергет во централна Шведска.
Човекот се здобил тешки повреди откако дрво паднало врз него. Тој бил однесен во болница каде што починал од повредите.
Регионалната комунална компанија Хемаб, пак соопшти дека еден од нејзините вработени починал во несреќа „на терен“. Медиумите објавија дека работникот, исто така, бил заглавен под паѓачко дрво.
Финскиот јавен радиодифузен сервис Yle објави дека над 120.000 домови во Финска се без струја, а западниот дел од земјата е најтешко погоден.
Бурата Јоханес која ја погоди Шведска се шири брзо и се очекува ветровите да се засилат.
На северниот дел на земјата се издадени жолти и портокалови предупредувања, пишуваат тамошните медиуми.
Според метеоролозите ветерот ќе продолжи да се засилува и наскоро ќе имаме силни ветрови во областите каде што се издадени портокалови предупредувања, иако најголема јачина се очекува попладне прогнозираат намалување на силата на ветрот во текот на ноќта.
Бурата предизвика и прекини во електричната енергија, при што речиси 40.000 домаќинства останаа без електрична енергија. Сообраќајот се одвива отежнато, а има забрани за патувања кон планинските превои.