Од обвинителството за Телма потврдија дека на осомничениот бегалец Љупчо Пецов Ѓаволот му е определен притвор откако поднел медицински документи дека бил хоспитализиран поради здравствена состојба.
Одлуката, според сознанија на Телма е донесена вчера кога Пецов бил донесен во скопскиот кривичен суд. Одбраната барала домашен притвор поради како што навеле влошена здравствена состојба.
Обвинителството поради здравствени причини и други околности го прифатило предлогот, ни потврдија од обвинителството кое се уште го истражува Пецов за предметот за финансиски малверазации „Синџир“.
Се уште се работи на случајот и со неговиот адвокат Фехми Стафа кој беше приведен викендот поради наводно нудење поткуп за замена на мерката затворски со куќен притвор. Стафа е поранешен Државен правобранител. Тој доби мерка притвор.
Во одлуката за домашен притвор за Пецов е наведено дека тој ќе биде и под постојан 24-часовен полициски надзор за да се спречи негово оддалечување. Љупчо Пецов Ѓаволот беше во бегство од отварањето на истрагата „Синџир“, а судот во отсуство му определи мерка притвор. Иако со потерница, тој слободно се движеше низ Скопје, добиваше тендери со неговите фирми, а полицијата не успеа да го најде.
Миомир Серафиновиќ