Иран воведе нови цени за државно субвенционираниот бензин, обидувајќи се да ги намали растечките трошоци за прв пат од 2019 година, кога зголемувањето на цените предизвика масовни протести и брутален одговор од властите.
Новата структура на цени дозволува граѓаните да добиваат 60 литри месечно по субвенционирана цена од 15.000 ријали по литар, следните 100 литри за 30.000 ријали, а се што го надминува ова паѓа под новото ниво од 50.000 ријали по литар.
Иако цените се зголемени, бензинот во Иран останува меѓу најевтините во светот. Министерот за нафта истакна дека мерката е прв чекор кон намалување на потрошувачката на гориво и управување со економијата, додека критичарите предупредуваат дека секое зголемување на цената може да предизвика дополнителна инфлација, која веќе достигнува околу 40% годишно.
Протестите од 2019 година покажаа дека масовното незадоволство може да предизвика големи немири, при што беа убиени најмалку 321 лице, а илјадници беа уапсени.
И покрај тоа, многу Иранци сметаат дека зголемувањето е неопходно за економијата, особено за државата која долго време го субвенционира енергетскиот сектор со десетици милијарди долари годишно.