Министрите на Советот на Европа повикаа на подготовка на политичка декларација за прашања поврзани со миграцијата и Европската конвенција за човекови права, како и нова препорака за илегална миграција за 2026 година, стои во заклучоците усвоени од сите 46 земји-членки на СЕ.
На конференцијата одржана на иницијатива на генералниот секретар Ален Берсе, министрите ја потврдија својата длабока и трајна посветеност и на Европската конвенција за човекови права и на Европскиот суд за човекови права, истовремено признавајќи ги предизвиците што ги претставува илегалната миграција и состојбата на странците осудени за сериозни кривични дела.
- „Европската конвенција за човекови права е последната заштита на индивидуалните права и слободи низ целиот наш континент и столб на демократската безбедност. Инструментализацијата на миграцијата, шверцот со мигранти, трговијата со луѓе и другите криминални активности што ја загрозуваат стабилноста и безбедноста се реални и легитимни предизвици“, рече генералниот секретар Берсет. „Она што ни треба е дијалог, соработка и заеднички решенија што ќе им овозможат на земјите-членки да се вклучат на рамноправна основа во рамките на Советот на Европа“, заклучи тој.
Разговори за промени во правилата на Европската конвенција за човекови права за миграцијата
За да се продолжи дијалогот, учесниците го повикаа Комитетот на министри на Советот на Европа (составен од министрите за надворешни работи на 46-те земји-членки на организацијата) да подготви нацрт-политичка декларација со која се потврдува обврската за обезбедување ефикасно уживање на правата и слободите гарантирани со Конвенцијата за секого во рамките на јурисдикцијата на земјите-членки, во контекст на овие предизвици.
Нацрт – декларацијата треба да ја земе предвид и фундаменталната одговорност на владите да обезбедат национални витални интереси како што се сигурноста и јавната безбедност, прецизираа министрите.
Се очекува политичката декларација да биде усвоена на следната формална седница на Комитетот на министри во Кишињев (Република Молдавија) во мај 2026 година.
СДСМ со резолуција за мигранти, Мицкоски ќе си оди oд политика ако најдат еден
Б.С.