На првиот ден од забраната за користење на социјални мрежи во Австралија, родителите велат дека нивните деца продолжиле да ги користат популарните платформи, бидејќи системите за верификација на возраста покажале сериозни недостатоци. Децата користеле VPN мрежи, лажни податоци, па дури и шминка за да ги измамат програмите за проценка на возраста.
Првата забрана за социјални медиуми во Австралија стапи на сила денеска, со што законски им се забранува на децата помлади од 16 години да имаат профили на Facebook, Instagram, Kick, Reddit, Snapchat, Threads, TikTok, X, YouTube и Twitch.
Платформите се соочуваат со казни до 49,5 милиони австралиски долари (32,9 милиони долари) доколку не преземат разумни чекори за отстранување на сметките.
Meta, која е сопственик на Facebook, Instagram и Threads, беше првиот технолошки гигант што реагираше, почнувајќи да ги исклучува сомнителните мали деца од минатата недела.
Ученикот од Сиднеј, Ноа Џонс, кој наполнува 16 години во август, се придружува на уште еден 15-годишник како тужител во оспорување на законот во Високиот суд.
Другиот ваков случајот е со ученичката Мејси Нејланд кој го покрена групата за човекови права Digital Freedom Project со седиште во Сиднеј.
Тие тврдат дека законот неправилно им го одзема правото на слобода на комуникација на 2,6 милиони млади Австралијанци, спротивно на Уставот на Австралија.
Б.С.