Попладнево е приведен поранешниот сопственик на над 500 крави во Крива Паланка откако пружал отпор на полицијата и инспекторите од Агенцијата за храна и ветеринарство кои требало да ги одземат животните.
Видео од апсењето објави и ќерката на приведениот. На видеото се гледа како инспекторите од Агенцијата за храна и ветеринарство се на терен за да го реализираат одземањето на кравите кои со месеци правеа штета на локалните жители.
Полицијата која е повикана на асистенција го приведува откако тој пружа отпор, а неговите ќерки викаат на помош и се обидуваат да му помогнат. По приведувањето, поареншениот сопственик Ѓорѓиевски е префрлен во полициска станица.
Денеска (02.12.2025) во село Жидилово, Крива Паланка, Полициски службеници од ПС Крива Паланка при извршување службени дејствија, односно при давање асистенција на вработени во АХВ биле попречени од лицата Г.Ѓ, А.Ѓ. и А.М.Ѓ. По преземени мерки лицата се приведени. За настанот известен е надлежен ЈО, по целосно документирање ќе биде поднесен соодветен поднесок, потврдија за Телма од свр Куманово.
Обвинителството во Куманово за Телма потврди дека е отворен предмет кој ќе се води по брза постапка, а од утре ќе биде разгледан случајот кога ќе добијата и официјално полициско известување. Телма минатата недела беше во селото Дубровница на протестот на жителите кои се жалеа дека имаат и животни закани од поранешниот сопственик на кравите и неговите ќерки откако тие ги пријавиле штетите на своите имоти.
