Затворски казни од вкупно 174 години се изречени за седум мажи од пакистанско потекло за сексуално искористувале на две малолетнички на северот на Англија, јавува Ројтерс. Во јуни оваа година тие беа прогласени за виновни за 50 кривични дела, вклучително и 30 случаи на силување кои се случиле во периодот меѓу 2001 година и 2006 година. За двете малолетнички во процесот пред судот се користеа називите „девојка А“ и „девојка Б“.
Четворица од обвинетите живееле во Рочдејл, двајца во Олдам и еден во Крампсал. Судот им изрече казни од 12 до 35 години затвор, иако сите обвинети негираа вина, соопшти британската обвинителска служба во најновото судење поврзано со повеќегодишен скандал со група силувачи, т.н. grooming gangs.
Истрага од 2014 година утврди дека најмалку 1.400 деца биле сексуално искористувани во Ротерам, на северот на Англија, во периодот од 1997 година и 2013 година. Според извештајот, голем број од сторителите биле лица со пакистанско потекло. Локални официјални лица честопати избегнувале да го истражат етничкото потекло на сторителите поради страв од тензии во локалната заедница или обвинувања за расизам, наведува Ројтерс.
С.Д.
Фото: gmp.police.uk (полиција на Манчестер)