Грејната сезона за корисниците приклучени на системот за централно греење во Скопје официјално започнува на 15 октомври, соопшти АД ЕСМ.
Според регулативата, испораката на топлинска енергија може да почне и порано, доколку средната дневна температура падне под 12˚С.
На веб-страницата на ЕСМ Снабдување секојдневно ќе се објавуваат информации дали се исполнети условите за старт на греењето, врз основа на податоците од УХМР и одлуките на Регулаторната комисија за енергетика.
Од ЕСМ апелираат граѓаните навремено да ги завршат сите поправки на внатрешните инсталации и да обезбедат пристап до топлинските станици, како и редовно снабдување со електрична енергија, со цел непречено стартување на системот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.