Претседателот на САД, Доналд Трамп, во видео-обраќање од Белата куќа, ја обвини „радикалната левица“ за, како што изјави, „атентатот врз Чарли Кирк“ – негов близок соработник и политички сојузник.
„Овој монструозен чин е директен резултат на годините на омраза, навреди и демонизирање на патриоти како Чарли од страна на левичарските екстремисти,“ рече Трамп.
Тој го нарече Кирк „мaченик за вистината и слободата“ и вети дека ќе бидат откриени сите што придонеле за овој напад.
Обраќајќи се од Овалната соба, Трамп повика на прекин на говорот на омраза и политичкото насилство, посочувајќи дека радикалната левица е виновна и за други напади, вклучително и обидот за атентат врз него минатата година во Пенсилванија.
Белата куќа досега не даде дополнителни детали за напаѓачот или околностите на убиството.
Чарли Кирк, конзервативен поддржувач на Трамп, смртно застрелан на кампот на Универзитетот Јута