Германскиот канцелар Фридрих Мерц изјави дека е подготвен, пред сè ментално, за долга војна во Украина, и покрај напорите на американскиот претседател Доналд Трамп за постигнување мировна спогодба.
Откако минатата недела јавно изрази скепса дека иницијативата на Трамп ќе донесе траен мир, Мерц во интервју за германската телевизија ZDF нагласи дека сите вложуваат напори за завршување на конфликтот, но „не по цена на украинска капитулација“.
Запрашан за безбедносните гаранции на кои инсистираат европските сојузници и Украина, тој порача дека нивната суштинска улога е да ја спречат Русија во иднина повторно да нападне.
Сепак, канцеларот одби да прецизира дали Германија би поддржала испраќање свои војници во Украина.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.