Синоќешните антивладини протести низ Србија прераснаа во насилни судири, при што беа повредени 42 припадници на полицијата, а беа приведени 37 лица, соопшти српскиот министер за внатрешни работи Ивица Дачиќ.
Најмногу повредени има во Белград – 26 полицајци, додека во Панчево и Ваљево биле повредени вкупно 16.
Министерот потврди дека меѓу приведените има и 23-годишен хрватски државјанин, обвинувајќи за надворешно мешање и организирано нарушување на јавниот ред и мир.
Протестите, организирани од студентското движење „Студенти во блокада“, се одржаа во повеќе од 30 градови низ Србија под слоганот „Вечерва пукате по шевовите“.
Демонстрантите во Нови Сад ги демолираа просториите на владејачката Српска напредна партија (СНС), а слични немири беа забележани и во Белград, каде дојде до судири меѓу демонстрантите, полицијата и поддржувачи на власта.
Претседателот Александар Вучиќ најави реформи во полицијата и обвинителството, како и поостра борба против, како што ги нарече, „бандитите и насилниците“. Тој потенцираше дека државата ќе продолжи со апсењата, но дека нема да воведе вонредна состојба.
Српскиот патријарх Порфириј повика на смирување на тензиите и отфрлање на омразата и насилството.
Меѓувреме, Обединетите нации изразија загриженост поради, како што наведуваат, зголемена репресија врз студентите, академската заедница и граѓанското општество. Според извештај на седум известувачи на ОН, српската влада систематски ги задушува критичките гласови, што може да доведе до уште подлабока политичка и општествена криза.
View this post on Instagram
View this post on Instagram
View this post on Instagram
View this post on Instagram