Украинскиот претседател Володимир Зеленски изјави дека Украина нема да отстапи ниту педа од својата територија, откако американскиот претседател Доналд Трамп најави средба со рускиот лидер Владимир Путин, на која би се разговарало за прекин на огнот.
Зеленски предупреди дека мировни преговори без учество на Украина нема да донесат резултати.
„Ова е токму она од што отсекогаш стравувавме – договор зад затворени врати. Украина нема да прифати договор што не го вклучува нашиот глас,“ рече тој, потенцирајќи дека територијалниот интегритет на земјата е неприкосновен.
Средбата меѓу Трамп и Путин ќе биде прва директна комуникација меѓу нив од 2019 година. Трамп претходно најави можност за „размена на територии“ како услов за постигнување мир, што предизвика жестоки реакции од Киев. Украинските власти тврдат дека тоа би било капитулација и отворена поддршка за руската агресија.
Во меѓувреме, украинската државна служба за итни случаи соопшти дека руските сили извршиле нови ноќни напади врз станбени објекти во источните региони Харкив и Днипро, при што има повредени и сериозна материјална штета.