На седмата владина седница се донесе одлука за повлекување на предлог законите за стратешки инвестициски проекти од Собрание на доработка и усогласување со институциите. Потоа на нова владина седница, осма по ред, вчера истите се вратија назад во Собрание.
За овие стратешки инвестиции изминатиот период имаше низа реакции во јавноста особено за Митилинеос кој треба да гради централа во Железара. За овој проект и министерот за економија на последните две владини седници бараше повлекување на прелог законот и нови преговори со инвеститорот.
Претходно и дел од експертите реагираа дека со предлог законот за Митилинеос , грчкиот инвеститор ќе се богати, а државата ќе трпи огромни штети.
Од вкупно четири предлог закони за изградба на централи на повеќе места во земјава, им се даваат низа поволности на инвеститорите кои тешко може да ги ужива домашниот бизнис.