32 годишна негувателка во детска градинка се сомничи дека во повеќе наврати вршела психичко и физичко насилство врз тригодишно дете кое било згрижено во јасли.
Осомничената која е вработена во градинка во Скопско Радишани на детето му се обраќала со погрдни зборови, го влечела и тегнела за коса, поради што жртвата претрпила силен страв и стрес, што резултирало со губење на говор и страв од одење во градинка, информираат од јавното обвинителство.
Са случајот велат отворена е истрага за сторено кривично дело Запуштање и малтретирање на дете.
Јавниот обвинител до судијата на претходна постапка за осомничената побарал забрана за напуштање на живеалиштето, обврска да се јавува повремено vo полиција, а поради сомнеж од бегство побарано е и одземање на патната исправа.
Побарано е и на осомничената да ѝ биде изречена забрана да се појави на работното место, но и во сите други објекти кои се дел од истата детска градинка.