Артан Груби во електронски пораки им наредува на директорите од ДУИ на клиниките да не примаат никакви одлуки од министерот за здравство Фатмир Меџити за разрешување, а ако е потребно да земат одмор или боледување за да се оправдаат како отсутни и да избегнат евентуално разрешување.
Според испратените пораки кои се појавија во дел од медиумите, станува јасно дека покрај заострените одности во самата партија Алијанса за Албанците, од чиишто редови доаѓа министерот Меџити, кој се приклони кон страната на Арбен Таравари, се отвора и фронт меѓу АА и ДУИ.
Министерот Меџити претходно тврдеше дека се соочува со притисоци и опструкции од Владата при спроведување на проекти како вработувања, катни гаражи и проширување на позитивната листа на лекови, а вината ја лоцираше директно кај министерот за политички систем Артан Груби.
Вчера пак обвини дека за раздорот во Алијанса одговорни се ДУИ и обвини дека дел од членството на партијата кумува со ДУИ за лични интереси. Порача граѓаните да бидат сигурни обидот за поставување Тројански коњ од страна на ДУИ нема да успее.
