Пресметката помеѓу Тајсон Фјури и Олександр Усик за унифицирање на четирите светски титули во тешка категорија во бокс ќе се одржи на 18 мај во Ријад, Саудиска Арабија. Борбата беше одложена од 17 февруари поради повредат на Фјури.
Организаторите на боксерскиот спектал се договорија да ја одложат борбата за три месеци со цел Фјури да има време целосно да закрепне од големата расекотина што ја заработи над десното око за време на спаринг меч. Борбата помеѓу Британецот и Усик предизвикува многу внимание во светот на спортот, бидејќи победникот ќе биде првиот непоразен унифициран светски шампион уште од 1999 година. Последен пат тоа беше Ленокс Луис откако го победи Ивандер Холифилд.
Фјури го има појасот во ВБЦ верзијата и во кариерата има 34 победи, едно реми и ниту еден пораз. Украинецот исто така е без пораз во кариерата на 21 борба има исто толку победи, но повеќето му се во полутешка категорија, пред да се пресели во најтешката категорија.
