Карате федерацијата на Македонија синоќа ги прогласи најдобрите за 2023 година. Најуспешен и оваа година е карате клубот Макпетрол од Скопје, кој се закити со дури 11 признанија.
Изминатата година Макпетрол имаше фантастични резултати како на домашната така и на меународната сцена со освоени многу медали. Клубот е најдобро рангиран во сениорска и младинска конкуренција и со право го носи епитетот најдобар клуб во Македонија.
Најдобар тренер во серниорска конкуренција е Бошко Заборски, додека во младинска конкуренција најдобар тренер е Петар Заборски, кој го освои второто место во сениорска конкуренција како каратист.
Витомир Трајковски е прв во постари јуниори, додека во истата конкуренција Стефан Стојановиќ беше втор. Ангела Мојсовска го освои првото место во сениорска конкуренција, а Петар Спасеновски беше трет кај сениорите. Викторија Јовановска е прва кај постари јуниорки, додека Јована Мицовска беше трета.
Карате клубот Макпетрол е на врвот на домашната карате сцена речиси три децении.