Трајковски со нов државен рекорд во скок во далечина во сала (ВИДЕО)

Македонскиот атлетичар Андреас Трајковски синоќа во Архус, Данска, го подобри сопствениот државен рекорд во скок во далечина во сала и освои и 2.место на силниот митинг.

Трајковски оствари скок од 7,67 метри и за два сантиментри го подобри претходниот македонски рекорд што исто така беше во негова сопственост поставен во 2022 година. Македонскиот државен рекорд на отворено во скок во далечина изнесува 7,91 метри, а повторно е во сопственост на атлетичарот на Работнички.