Четири лица се приведени за пукањето во тетовската болница, полицијата трага по уште едно

Доцна синоќа се приведени четири лица за пукањето во Ургентниот центар на тетовската Клиничка болница, а полицијата сè уште трага по едно.

Синоќа, како што информираат од СВР Тетово, се приведени Р.Т. (35) и М.Т. (44) од Тетово, а пред тоа и 55-годишната тетовка Ш.Е. и Н.М. (39) поради сомнение за нивна инволвираност во пукањето што се случи околу 18 часот.

Со тешки телесни повреди се здобиле А.М. (41) и З.М. (36) од тетовското село Гајре.

Јавен обвинител и екипа од СВР Тетово извршиле комплетен увид и се расчистува и документира случајот, по што против инволвираните во овој случај ќе следуваат соодветни поднесоци.