Исламска држава ја презеде одговорноста за двете експлозии во Иран во кои загинаа најмалку 103 луѓе, а над 140 беа повредени. Ескплозиите се случија во иранскиот град Керман, во близина на гробишта на кои е погребан поранешниот генерал на елитните единици „Кудс“ при иранската Револуционерна гарда, Касим Сулејмани.
Исламска држава објави соопштение на Телеграм дека ја презема одговорноста за крвавиот напад, пренесува „Ројтерс“.
Ирански официјални лица претходно го оквалификуваа нападот како терористички, но не наведоа кој би можел да стои зад него.