Дури 41 луѓе се најдени во комбе со скопски регистрации во товарниот заден дел.
Полицијата соопшти дека приведениот возач имал српско државјанство и 20 години. Бил уапсен пред патарината кај Демир Капија на автопатот А1.
Мигрантите биле од Куба и од Индија, 5 од нив се малолетни.
МВР соопшти детали за акцијата:
На 10.12.2021 во 22.10 часот пред наплатна станица Демир Капија, на автопатот А1 Неготино- Демир Капија од полициски службеници од полициска станица Неготино и мобилната единица од Скопје е лишен од слобода Ф.Р.(20) од Р.Србија кој управувал товарно моторно возило „фиат дукато“ со скопски регистарски ознаки, во кое превезувал 41 мигранти од Куба и Индија, од кои пет малолетници.
По целосно документирање на случајот, ќе биде поднесена кривична пријава до надлежното обвинителство.