СДСМ тврди дека целото семејство на Арсовска има бугарско државјанство, таа ги обвини дека наместо со проекти, се борат со лаги

На два дена пред крајот на изборната кампања, СДСМ објавуваат нови докази за кандидатката за градоначалник на Скопје, Данела Арсовска. Од партијата тврдат дека не само таа што има бугарско државјанство и бугарска лична карта, туку има и целото нејзино семејство. Валидноста на документите се потврдува преку официјалниот сајт на бугарското МВР тврдат од СДСМ. Ја обвинуваат за неискреност кон граѓаните, и ја прашуваат за чии интереси работи.

Арсовска не кажува дали има или нема бугарско државјанство. Таа ги негираше обвинувањата на СДСМ. Побара јавно извинување од СДСМ, а веќе поднела и тужба. Обвини за црна кампања против неа, а на Шилегов и Заев им порача дека наместо да се борат со проекти и идеи за Скопје, тие се борат со лаги.