Дваесет и четири годишник од Скопје бил избоден со нож во градски парк кај „Фонтана“ откако, како што изјавил во полициска станица, се обидел да раздели тепачка меѓу неколку лица.
– Полициски службеници излегле на местото и го затекнале Н.Н., 24-годишник од Скопје, со двајца негови другари, кој изјавил дека на местото настанала физичка пресметка помеѓу неколку лица и тој се обидел да ги раздели, при што едно од лицата со остар предмет му нанел убодна рана – појаснија од Министерството за внатрешни работи.
Повредениот бил пренесен во Комплекс клиники „Мајка Тереза“ – Скопје за укажување на лекарска помош.
Се преземаат мерки за расчистување на случајот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.