Препукувањата меѓу актуелниот и поранешниот министер за надворешни работи продолжуваат.
Откако Бујар Османи оцени дека владата сега го признава она што, како што вели, тој го тврдел со години, порача: „Муцунски го потврди она за што четири години трпам критики“ алудирајќи на изјавата на Муцунски дека протоколите не се дел од преговарачката рамка.
Муцунски возврати, дека Бујар Османи последен има право да држи лекции за тоа што е прифатено, а што не.
Тој многу добро знае што преговараше, што прифаќаше и во каква позиција ја остави државата.
Затоа, денес нека не троши енергија за да ги извртува фактите и да толкува туѓи изјави“, дециден е Муцунски.
Оценувајќи дека Османи е „политичар кој ја загуби довербата и во сопственото маало“ според министерот, токму политиките на Османи ја довеле државата во сегашната позиција на европскиот пат.