Владата донесе одлука да земе краткорочен заем од 7 милиони евра од Македонска навигација (М-НАВ). Ова е уште еден јасен доказ дека во буџетот нема пари, велат од СДСМ.
Според опозицијата затоа Христијан Мицкоски со денови барал алиби за предвремени избори.
- Но не можеше да се извлече од реконструкцијата на Владата – затоа што тоа би било директно признание дека работите се распаѓаат. Сега мора да чека „поволен момент“ за да ги распише. Резултати нема. Економијата е во колапс. Европскиот пат е целосно заглавен. Изолацијата е комплетна. Пари од претпристапните фондови на ЕУ нема и нема да има, соопштуваат од СДСМ.
Велат дека кога државата почнува да позајмува од сопствените јавни претпријатија за да преживее од месец до месец, повеќе нема простор за пропаганда и спинови.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.