Големи парчиња бела пена пловат во водите на реката Вардар. Нечистата вода доаѓа од реката Лепенец која се влева во Вардар.
Екипа на Телма е на терен и ги забележа службите кои земаат примероци од водата за да испитаат за каков тип на загадување се работи.
- Инспектори од Државниот инспекторат за животна средина, при МЖСПП се на терен и вршат инспекциски надзор, и го испитуваат квалитетот на водата. Постапката е сè уште во тек. По завршувањето на испитувањата и добивањето на официјалните резултати, јавноста ќе биде навремено информирана, соопштија за Телма од инспекторатот.
Б.С.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.