Уставниот суд нема да поведе постапка за оценување на уставноста на задолжителното вакцинирање од законот за основно образование.
Уставните судии беа поделени, Јован Јосифовски, Осман Кадриу и Дарко Костадиновски сметаа дека ускратувањето на правото на образование е најголема повреда на Уставот и дека со санкцијата, невакцинираните деца да не можат да се запишат во училиште, се повредува нивното уставно право на образование и детето страда без негова вина.
Кадриу укажа и дека ваква санкција не постои во ниту една друга држава.
Но, законодавецот се повикува на уставното право и должност на граѓанинот да го чува сопственото здравје и здравјето на другиот.
Претседателката Кацарска е со став дека здравјето е поважно од образованието.
Крајната одлука, да не се поведе постапка беше донесена поради тоа што овој суд во друг состав веќе три пати донел иста таква одлука.