Во следниве две недели Белград е домаќин на најдобрите ватерполо репрезентации во Европа. Во српската престолнина денеска почна континенталниот шампионат во машка конкуренција.
Србија во последниот натпревар од Ц конкуренцијата ја совлада Холандија со 18:16 и тоа по подобро изведување на удари од пет метри откако по четири четвртини резултатот беше 13:13.
Холанѓаните во последниот напад успеаа да постигнат гол, но тој не беше признат бидејќи топката беше упатена по звукот на сирената.
Во првиот дуел од Ц конкуренцијата, Шпанија триумфираше над Израел со 28:3.
Во А групата Црна Гора славеше над Малта со 21:12 додека Унгарија во соочувањето со Франција забележа победа од 15:7.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.