Зголемено нивото на Вардар во Велес, 42 сантиметри за 24 часа – реката се излеа на двете страни на кејот

Последните обилни врнежи од дожд во изминатите денови предизвикаа зголемување на нивото на реката Вардар во Велес, која денеска е излеана на двете страни од кејот.

На мерното место кај Стар мост, утрово во 7:30 часот, биле измерени 182 сантиметри, што е за 42 сантиметри повеќе во споредба со вчера, кога нивото изнесувало 140 сантиметри, информираат од Центарот за управување со кризи (ЦУК).

Критичната точка за целосно излевање на Вардар во Велес изнесува 259 сантиметри, додека просечното ниво на реката за месец јануари во изминатите години било околу 82 сантиметри.