Силни ветрови ги погодија денеска Франција и Велика Британија додека бурата Горети што ја зафати северна Европа, остави илјадници домаќинства без електрична енергија.
Околу 380.000 домаќинства во Франција останаа без струја, главно во регионите Бретања и Нормандија, соопшти добавувачот со електрична енергија Енедис.
Во текот на ноќта се забележани удари на ветар од преку 150 км./ч. во северозападниот франсуцки регион Манше до рекордни 213 км./ч. во Бартфлор. Во прекин е железничкиот сообраќај меѓу Париз и Нормандија.
Според Нешнл Грид (National Grid) над 57.000 домаќинства останаа без струја во Велика Британија, откако бурата Горети донесе нови количини на снег. Стотина училишта се очекува да бидат затворени во делови на Шкотска и во централна Англија која е особено погодена од невремето.
